Tony McCarroll

Si Tony McCarroll sebenernye die mainnye kagak jelek-jelek amat,kalo kagak percaye silah didengerin die waktu main "Solo",dalam beberapa pembukaan lagu "Live Forever" atawa dalem lagu-lagu yang dimainin @oasis waktu lagi konser di Chicago pade taon 1994. Malah menurut gue,si Tony McCarroll mainnye rade ngepunk. Banyak orang yang kagak tau kalo The Beatles di awal karirnye,mainin lagu-lagu tige arah juga,kalo sekarang kita nyebutnye sebagai Musik Punk atawa Musik Rock yang alirannye Punk.

Masalahnye si @NoelGallagher terlalu menuntut (pegimane lagi sebab die otaknye sih),gue rase die mao musiknye @oasis lebih "Psikedelik" atawa "Klasik" supaye mirip ame musik The Beatles di pertengahan taon 60-an ame akhir 70-an,terus akhirnye die ngerase permainan drumnye si Tony McCarroll kagak ade kemajuan,padahal ntu ciri khasnye die.

Kalo masih kagak percaye juga silah didengerin lagu-lagunye @oasis yang mereka mainin waktu mereka konser di Chicago,Amerika Serikat ame Video Klipnye Lagu "Live Forever",yang semuanye gue ambil dari Youtube.

Sebenernye gaye si Tony McCarroll mainin drumnye cocok ame gaye nyanyinye si @liamgallagher yang campuran John Lennon,Mick Jagger,Johny Rotten,Kurt Cobain.

Hasilnye,gaye unik si @liamgallagher setengah dingin ame setengah ngeremehin,padahal kebanyakan lagu-lagunye @oasis ,Optimis,pokoknye khas @liamgallagher dah! :)