hhttp://suaramirza.blogspot.com

Popular Posts

Pages

Muhammad Mirza. Diberdayakan oleh Blogger.

Pendengar

Ada kesalahan di dalam gadget ini

Oasis lebih Keren!

Waktu Metallica mao ngadain konser di Jakarta buat yang kedue kalinye,gue jadi mikir buat bikin perbandingan antara @oasis ame Metallica,salah satu alasan gue kagak demen ame Metallica,sebab musiknye terlalu Suram kalo dibandingin name @oasis ,yang bikin @oasis itu makin menarik,kalo si @NoelGallagher ude berantem ame si @liamgallagher (adeknye),ude pasti jadi bahan omongan sedunie :)

Biarpun ade yang bilang kalo musiknye @oasis ntu kebanyakan jiplak The Beatles ame yang lain-lainnye,tapi @oasis bise bikin musik rock dari taon 60-an,70-an ame 80-an,jadi kagak kedengaran kuno ame lebih seger.
Buat gue album Load ame Reload dari Metallica,kalo dibandingin ame "What's Story Morning Glory"-nye @oasis kayak Makanan Cemilan ame Makanan Utame. Lebih keren mane lagu "Wonderwall" dari @oasis atawa "Nothing Else Matter" dari Metallica?
Buat gue lagu "Wonderwall",lebih keren sebab ntu lagu cenderung klasik ame indah kayak lagu "Eleanor Rigby" .
Album "What's Story Morning Glory" selain lagu-lagunye,sampul albumnye keren juge,sampul ntu album artistik ame klasik,apa lagi foto si @liamgallagher ,yang diambil dari belakang waktu die lagi jalan kaki di Chelsea,London,gayanye klasik ame artistik banget,gue kalo ngeliat ntu sampul album,gue jadi inget ame sampul album Abbey Roadnye The Beatles,pokoknye ntu album kagak kayak "Pisang Goreng" atawa "Picisan"dah!
Gue kalo dengerin lagu "Enter Mr Sandman-nye Metallica ame ngeliat video klipnye,busyet dah kok serem banget! Ade anak kecil tidur,terus mimpinye serem,waktu die bangun di sekeliling tempat tidurnye,ujug-ujug ude banyak uler,bandigin dah ame lagu "Don't Look Bank In Anger-"nye @oasis ,lagunye bikin kite ngerase Optimis terus video klipnye keren ame klasik (bintang filem seri The Avenger ikut main juge di ntu video klip). Bandigin dah lagu "Champagne Supernova",yang keliatan glamor ame lagunye Metallica yang judulnye "Master of Puppet".

Lagu-lagu Hitsnye @oasis lebih banyak daripade Metallica,kalo disini kebanyakan orang,taunye lagu-lagu Metalillica yang judulnye "Enter Mr Sandman","Master Of Puppet" ame "Unforgiven" di bagian dunie yang lainnye juge begitu.
Bandigin ame @oasis yang punye lebih banyak lagu Hits,kayak "Live Forever",Roll With It","Wonderwall","Cigarettes" And Alcohol",ame "Don"t Look Back In Anger","Stop Crying Your Heart",terlalu banyak buat gue sebutin di sini :)


Gue cuman mao bandigin dikit @oasis ame Metallica,bukan mao jejerin lagu-lagunye @oasis yang jadi Hits,jadi pendapat gue @oasis emang lebih keren daripade Metallica,biarpun Musiknye Metallica lebih Kenceng :)
Kagak ade atu-pun albumnye Metallica yang bise tandingin larisnye ni album di hari pertame penjualannye pade 30 Agustus 1994.

Si @liamgallagher di foto dari belakang waktu die lagi jalan kaki di Chelsea,London.




Album ketige @oasis yang langsung jadi album laris pade 30 Agustus 1997.

< >

Tidak ada komentar:

Posting Komentar